ЧР Журналистсен союзĕ Çемен Элкер, Николай Никольский тата Леонид Ильин ячĕллĕ премисене илмелли ĕçсене йышăнма пуçланă.

Конкурссене Журналистсен союзĕнче тăракансем, Чăваш Енри массăллă информаци хатĕрĕсенче, информаци агентствисенче, пресс-службăсенче тата ытти медиатытăмра ĕçлекенсем хутшăнма пултараççĕ. 2017 çулта хаçат-журналта пичетленнĕ, радиотелеканалсен эфирне тухнă, информаци агентствисен сайтĕнче тата уйрăм кĕнекен кун çути курнă ĕçсене раштавăн 20-мĕшĕччен йышăнаççĕ.

Çемен Элкер премине — экономикăри, культурăри, наукăри çивĕч ыйтусене хускатакан, халăх кун-çулĕпе ĕçĕ-хĕлне сăнлакан тата паянхи çын сăнарне лайăх уçса паракан, Николай Никольский премине — чăваш халăхĕн наци аталанăвĕпе халăхсен туслăхĕн темисене çутатнăшăн, Леонид Ильин премине ял хуçалăха аталантарассипе, çут çанталăка упрассипе тата ял пурнăçне лайăхлатассипе çыхăннă ыйтусене хускатса çырнă ĕçсемшĕн параççĕ.